獅子山上：偷換概念 又搬龍門
東方日報 2017年6月20日
http://orientaldaily.on.cc/cnt/news/20170620/00184_011.html
香港近年甚為躁動，非法佔領行動持續七十九日，其後特首普選方案落空，佔中的後遺症日益浮現。隨着部分佔中搞手被檢控，三名佔中發起人戴耀廷、陳健民及朱耀明的一舉一動尤其被關注，三人除了當初涉嫌教唆年輕人犯法及收受黑金，在動用公眾捐款方面亂搬龍門，更令人嘆為觀止。
其中陳健民、朱耀明「連線」聯同退休學者鄭宇碩，去年底另有搞作發起成立「守護公義基金」，目標是籌得五百萬元，支援四名被政府司法覆核資格的議員，三人懶理外界諸多質疑批評，原來靜悄悄「吸水」籌得四百多萬元，並且已「過數」予該四名議員，當中建築界姚松炎更已向立法會申報並自爆，基金代繳官司費用一百零七萬元。
不要以為基金支援四名被覆核議員就告一段落，原來「搬龍門」行動正在上演，下一階段基金用途會改為支援因佔中被檢控人士；據報陳健民以基金用途或改變為由，他與朱耀明避免利益衝突將退出基金。
陳健民等人實在予人「面不紅耳不赤」之感，事關基金成立約半年時間，風波爭議不絕，先是透過由教協義務設立銀行戶口接收捐款，教協被轟做法不當，加上基金運作不透明已為人詬病多時，據知下一階段，基金會「認衰」將不會再透過教協接收捐款，這個偷換概念剛停，另一偷換概念才是開始，原來陳健民及朱耀明很有機會由基金發起人變為受助人，有關情況實在令人匪夷所思。
在送別某名元老級足球員的告別賽，元老級球員可以在上半場踢其中一隊，下半場踢另一隊；然而基金運作就不是如此簡單，一來涉及市民捐款，二來隨時由發起人換作受助人，公眾觀感上有疑竇是理所當然，包括基金現存餘下多少捐款？當初為何沒有開宗明義表明隨時轉用途？陳健民及朱耀明更不容左閃右避，否則難以杜絕天下悠悠之口。
傳媒人 畢日堯
______________________________________
佔中過去兩年多, 陸續有蝦毛被捕過堂判刑, 大魚到現在衹有寥寥數人被捕, 大鱷則仍然逍遙法外, 但值得關注的, 是違法佔中醞釀時, 有法律界人士旦旦且伐, 會組成義務律師團支援示威抗議人士, " 即管去馬, 冇有怕 ", 可時至今時今日, 因佔中被檢控人士, 竟要 " 眾籌律師費 " , 竟要 " 食自己 " 那當初承諾支援的義務律師團又在那裡?
隨著違法佔中過後, 這等義務律師團的支援卻引起爭議, 原來義務律師團的支援是有所篩選的, 當日衝擊立法會的被捕人士就被義務律師團拒絕支援,
誠然, 衝擊立法會是屬破壞社會秩序, 但佔中又何嘗不是違法行為, 如果義務律師團認為應有所區別, 就應事先說明, 衹對平和的表達訴求的示威人士作出法律支援, 如果涉及激烈甚至暴力的行為就不在支援範圍, 如果是這樣的話, 可能就避免了當日暴力衝擊立法會事件的發生,
因為義務律師團給示威人士的印象是" 即管去馬, 冇有怕 ", 卻想不到義務律師團的支援會有所篩選的, 無疑是在這等模稜兩可的 " 律師用語 " 上中招, 怪衹怪示威人士太天真, 中了 " 不守法不等於不尊重法治(何俊仁律師金句)的毒, 以為不守法自有義務律師去 " 頂 ",
其實這等當初大鑼大鼓 " 法律支援 " 示威人士的義務律師團褪軚早有徵兆, 在違法佔中被捕的示威者, 在警署致電佔中義務律師, 誰知律師不接電話, 被捕的示威者方始知驚, 知道被人擺了上枱(聯絡義務律師的電話從何而來? 大家心中有數!),
現今陳健民眾籌分了百多萬後, 又 " 搬龍門 " 改變基金用途, 改為支援因佔中被檢控人士, 這又是否表示支援因佔中被檢控人士的義務律師團已名存實亡, 因佔中被檢控人士要獲得法律支援就要真金白銀 " 科水 ",
因佔中被檢控人士要獲得佔中律師團法律支援, 正如佔中秘書處義工陳玉峰所言的, "首先要簽retainer（聘請費）, 費用方面佔中律師團律師收三至五千元一個鐘, 緊急夜訪警署另加收費, 一晚二萬元, 要即時入定金落銀行戶口, 見錢就即刻應召」,
問題是如果 " 揸正嚟收費 ", 又是否有必要找佔中律師團律師? 而佔中秘書處 " 代 " 佔中律師團律師 " 開價 ", 又是否有代佔中律師團律師 " 摟 case " 之嫌?
_________________________________________
義務律師起爭議 [ Ariel ]
巴士的報 2014年12月4日
http://www.bastillepost.com/hongkong/1-%E6%94%BF%E4%BA%8B/442991-%E7%BE%A9%E5%8B%99%E5%BE%8B%E5%B8%AB%E8%B5%B7%E7%88%AD%E8%AD%B0?r=w
隨著佔中走向尾聲，唔止自首的65個，警方拘捕的示威者數以百計。網上流留傳一些差人留言，話周一零晨5点鐘拉咗20幾個小朋友返警署，小朋友打电話俾所謂佔中義務律師，怎知個律師唔接電話，班小朋友始知驚，對住阿Sir不停講對唔住，求阿Sir放過他們，而且乖乖的坐定定喺度，企定定喺度。
其實佔中義律師幫唔幫示威者辯護，在上次衝立法會後已起爭議。當時「和平佔中」發聲明「強烈譴責暴力衝擊行為」，更表明「如果是暴力衝擊，一般情況下，法律支援組不會予以協助。」有報道指金鐘的義務律師向衝擊立法會的示威者說：「你地班人，咪抗拒組織，又想拆大台？有事就想打被捕支援熱線，世事有無咁便宜呀?」
其後鄭大班就此事在D100的節目上質詢義務律師團的陳淑莊，陳淑莊亦講明義務律師係有選擇，係個人選擇，講明非暴力，暴力就唔做。大班就非常慶，話佢地當日話俾人聽佔中有義務律師團，而家又要揀，係假仁假義，不可以接受，行公義，唔可以揀人。陳淑莊話係義務，斗零無收。大班就話斗零無收大晒呀? 點可以話義務大晒，有選擇性，同梁振英有乜分別?
大班質疑佔中律師團唔夠人可以講明盡量做，佢知道律師團走咗好多人，買少見少。陳淑莊話「已經做到死」，大班認為，唔係話做到死就得。
Ariel都覺得呢個所謂佔中義務律師團，真係害死人。讓參加者有一個印象，點搞都有律師幫自己打官司，咁就唔怕去衝。周一佔龍和道，有中學生參加，佢地都係聽大台講去衝，俾警察拉咗，咁樣即係無義務律師呀？若然佔中義務律師團唔打算幫手，見到學聯學民講咗幾日叫人帶口罩眼罩去集會，就應該在集會前發個聲明，叫示威者小心，佢地一用暴力衝擊就唔會有義務律師幫手。
究竟真相係唔係佔中跌晒watt，大家都要搵食，義務律師四散，根本無幾多個律師可以繼續提供免費服務？戴耀廷話佔中運動搞咗幾日就被雨傘運動取代咗，好似佔中運動早早已不存在，其實佔中的義務律師團，係唔係都一樣早早已經不存在呢？
____________________________________
佔中律師團義打官司要篩選
東周刊 2014年12月15日
http://eastweek.my-magazine.me/main/38833
泛民上演自首騷，但一班佔中義工律師團，喺佔領運動尾聲就冇晒影。公民黨、民主黨呢兩個較多律師黨員的大黨，已經喺內部落柯打，講明親疏有別，優先處理自己黨員的個案，更要預先審查，如果係近期一班四圍衝撞的搞事友，就講到明唔接。
有激進派核心同本刊講，最近的確有求助個案被佔中律師「彈鐘」。上月中有激進網民衝擊立法會打爆玻璃，其中兩人被警方拘捕後，喺清晨五點打電話搵佔中律師團求救，大家估吓結果係點？
「佢兩個向Melody（佔中秘書處義工陳玉峰）求助，Melody詳細問佢哋案情，佢哋答係衰衝立法會之後，Melody即時寸佢哋：『拆完大台，有事就打支援被捕熱線，有冇咁便宜呀？支援組從來唔係你哋律師，我哋冇責任每一單嘢都接！』」
陳玉峰寸完更講明按手續收費：「要佢兩個簽retainer（聘請費），話佔中律師團律師收緊三至五千元一個鐘，緊急夜訪警署另加收費，折實一晚盛惠二萬元，入定金落銀行戶口，見錢就即刻飛到來。」
呢單拒接官司風波引起好大反彈。據聞有另一班較少參與佔中的律師睇唔過眼，自行喺網上號召願意幫忙的「流氓律師」幫拖，唔靠佔中律師團咁話。
佔中律師團落閘，唔係得陳玉峰一個，公民黨陳淑莊亦係其一。早前佢已講明涉及暴力的個案就唔幫；結果被大班鄭經翰喺電台節目中鬧到飛起，「你咁做同篩選有咩分別，法庭都未判妳點知係暴力唔暴力，幫人都有選擇性？妳當初一早講明冇問題，o依家有人被拉咗先講，咁叫義務？」陳淑莊當然話「大佬，義務咋喎，佢都有權選揀o架。」二人火併連場，火花四濺。
留言列表