政壇：AM車阻路珠姐攬上身
太陽報 2014年2月9日
http://the-sun.on.cc/cnt/news/20140209/00408_002.html
網上討論區瘋傳一段名為「AM車私用？」嘅短片，該片是網民去年十二月二十一日約下午一點所攝，有AM車公然喺銅鑼灣興發街嘅禁區兼郵車專用泊位停車等候兼上落客，車輛為「AM 726」，當時大模廝樣停咗喺附近幼稚園對出嘅郵車專用泊位，阻塞條路，其他司機響按都冇人理。營運幼稚園嘅東區區議會前主席丁毓珠（珠姐）捲入事件，片中仲有佢把聲話：「（郵車專用）個位係我嘅！」
現場係興發街往北角、柴灣方向，係通往紅隧、東隧嘅交匯處，閒日都相當繁忙，當日卻見政府車違泊，頭笠聖誕帽嘅珠姐護送抱住B女嘅東區民政事務助理專員區子君上AM車離開。上傳短片嘅網民當時駕車駛經珠姐面前都忍唔住炮轟：「邊個政府部門o架你？政府車嚟o架？」未有入鏡嘅珠姐就尷尬話：「唔係唔係，呢度係我個位嚟嘅！」
AM車違規停泊，點解珠姐要攬上身呢？佢解釋當日由佢任主席嘅銅鑼灣街坊福利促進會邀請區子君任聖誕遊藝會主禮嘉賓，但預留泊位滿咗，迫不得已先要區子君同B女喺禁區上車，佢強調架車只係停咗一陣，上完客即走，仲吐苦水話平日都有私家車喺嗰條街載小朋友返學放學。警方發言人回應會跟進有關個案。
________________________________________
這則新聞很奇怪, 去年十二月二十一日星期六本是政府公務員假日, 東區民政事務助理專員區子君由於職務關係, 假日亦要應邀出席坊會活動可以理解, 但攜嬰出席就有點那個, 令人疑惑東區民政署是否真的分配不了人手, 連民政事務助理專員也要被迫假日 " 攜嬰 " 出席公務活動, 可算是開了政府高級官員先河了,
其實區子君假日也要 " 攜嬰 " 出席公務活動, 可算盡忠職守, 應予體諒, 但 AM 車 " 大模斯樣 " 停在繁忙道路還是禁區, 阻塞交通衹為接區子君上車, 就令區子君蒙上污點,
在香港這麼政治化的生態環境, 身為公務員猶其是高級公務員, 一言一行都要檢點, 不能讓人找到把柄攻擊政府, 攻擊公務員, 司機不懂事, 難道區子君就不懂規矩, 由銅鑼灣街坊福利會步行一分鐘, 繞過後面電氣道就可以上車,
區子君不熟路難道丁毓珠也不熟路? 在門前上車衹為貪方便而已, 卻引來政治後果, 圖文並茂見報, 這又何苦來由呢? 行多幾步 " 唔使死嘅係嘛! " 特區公務員猶其高官應引以為鑑.
