政壇：民主阿婆李漢奸 赴英告狀淪箭靶
香港太陽報 2014年7月17日
http://the-sun.on.cc/cnt/news/20140717/00408_001.html
香港每逢有大事發生或政改關鍵時刻，人稱「李漢奸」嘅民主黨創黨主席李柱銘同「民主阿婆」前政務司司長陳方安生就會出動密謀攪局。佢哋繼幾個月前飛去美國同加拿大「唱衰」香港後，呢幾日又趁港府發表政改諮詢報告，飛去英國「唱衰」香港，日前同英國副首相克萊格會面後，尋日仲去埋國會外交事務委員會出席聽證會，美其名話講解香港情況，實質乞求干預。唔知係咪英國佬啱啱攞完中國着數，一班國會議員反而不停質疑兩人有冇誇大情況，又話聽完兩人匯報，感覺香港情況唔係咁差，佢哋今趟真係自取其辱！
李漢奸同民主阿婆尋日出席聽證會時，一開始民主阿婆就發炮，批評中央多方面損害一國兩制、新聞自由受到打壓、特首無民意授權、司法獨立受到影響等，講到好似世界末日咁。不過，班英國議員唔係隨便聽你亂講，有議員要求佢舉出新聞自由受壓嘅例子，點知民主阿婆講來講去都只係話有報紙被抽廣告，始終講唔出有咩實質例子。就算在場嘅李漢奸出手，都只係講到有電台節目主持被炒。
兩人被斥過分解讀
不過，當英國議員質疑到底市民透過電台、電視台及互聯網接收新聞時，有冇受阻先？李漢奸就死死地氣話冇，但死撐話審查情況逐漸嚴重，唔可以掉以輕心喎。李漢奸繼續話，國務院白皮書竟然要法官愛國，令本港司法獨立嚴重受損。隨即又被議員質疑，到底有冇法官因此而影響判決先？佢面色再沉，話現階段無，但長此落去好難無喎。民主阿婆就幫口，話白皮書係重新演繹《基本法》及一國兩制，要求英方唔可以咩都睇唔到，一定要幫香港出聲。
在座多位議員聽兩人發表完「偉論」後，都覺得香港冇乜重大轉變，只係兩人過分解讀，仲話香港始終唔係獨立國家，一國兩制唔代表中國無權管治香港。如果兩人咁信賴英國，咁就好應該聽吓人哋講啦，唔好再發白日夢。會面後，外交部發言人洪磊即刻發表聲明，不滿英國副首相同兩人見面，又話中方已向英方提出嚴正交涉，要求英方停止任何干涉香港事務動作。
以往英、美等國家聯手，經常同中國針鋒相對，但今時唔同往日，有中國領導人早前先至去完英國簽訂一份價值二千三百億港元嘅採購合同，俗語話有錢使得鬼推磨，試問班英國議員點會睬你兩個已經冇晒能量嘅香港「舊電池」吖！兩人山長水遠飛去英國諗住「唱衰」香港，乞求外國勢力干預，點知畀啲紅鬚綠眼噴到一面屁，唔係自取其辱又係咩呢？
____________________________________________
香港泛民黨團議員及民主人士經常出席外國議會聽證會 " 講述 " 特區近況, 已見怪不怪, 無大感覺, 不過這次李大狀與陳老太 " 拍住上 " 到英國就有點奇怪,
他倆到英國的焦點是拿白皮書 " 說事 ", 國務院一發表白皮書, 就像踢到了黃蜂竇似的, 泛民黨團人士鬧翻了天, 照理這次李大狀與陳老太到英國 " 告御狀 " 理應有泛民黨團議員及民主人士踴躍響應隨行才是, 可是卻反常地衹得他倆 " 結伴同行 " , 其他在香港鬧翻天的政治黨團人士甚至學者教授, 學界燥動份子, 一個都不見響應同行, 事態有點反常,
不過, 這次兩人到英國 " 求援 " 卻碰了一鼻子灰, 在聽證會上被委員會質疑誇大其詞, 指國務院發表的白皮書 " 並沒布真正改變基本法的解釋 ", " 我不能詮釋為北京改變基本立場 ",
這也是的, 李大狀用以引證北京改變基本立場的所謂證據, 是指 " 當一個政府花力氣以七種語言發表一份詳盡的白皮書, 如不意味政策改變, 那為何要發表? "
香港回歸中國15周年, 國務院發表 " 一國兩制在香港特別行政區的實踐 " 白皮書, 闡述15年來香港在政經各方面的發展, 作一回顧, 向國際社會展示特區回歸15周年的現狀, 這樣有何不妥, 想不到竟成為李大狀口中的罪狀, 是否會為聽證會一眾委員認同成疑, 如果這樣都屬 " 有罪 " 的話, 無疑是質疑與會委員的智慧與智商.
留言列表