政壇：范國威籠裏雞 帶學生踩EQ場
香港太陽報 2015年6月11日
http://the-sun.on.cc/cnt/news/20150611/00408_001.html
立法會大樓多次被示威者衝擊，先後推出多項辣招加強保安，包括限制訪客只可到訪指定樓層。但尋日民建聯（建仔）議員葛珮帆（EQ）喺六樓嘅議員辦事處，卻被人闖入，領頭者仲係同為議員嘅新民主同盟范國威。范公然利用職權方便，率領學生擅闖，佢嘅做法認真離譜，議會中人都鬧爆，更對立法會保安信心動搖，尤其下周政改就要表決喇。
中大學生組織「中大諗！」幾個成員尋日到立法會外示威，要求身兼中大校董嘅葛珮帆、飲食界張宇人同范國威下周一去中大同學生就政改交流意見，張宇人一早以事忙為由拒絕出席論壇同接信，葛珮帆就一直冇回覆。其後，范國威就利用佢能夠出入大樓各樓層嘅權限，帶埋七個學生闖進葛嘅辦事處，要求佢親自接信同出席論壇，之後再上多兩層搵埋已話唔去嘅張宇人！
死撐冇衝擊
期間，建仔嘅鍾樹根同何俊賢同范國威撞到正，樹根事後鬧爆范係籠裏雞，話辦事處女職員無端端畀陌生男子圍住好驚恐，擔心下周政改方案表決，示威者會對佢哋人身安全構成威脅。高佬賢批評，范國威出於咩動機，都唔應該以違規行為達成，否則下次帶汽油彈都得啦！范國威承認係違規，但死撐啲學生冇叫口號，亦冇「衝擊」。立法會秘書處就話，會向Gary發警告信，會於下周一特別行政管理委員會會議上，向委員請示係咪要再跟進。
立法會泛民議員濫用職權嘅事件真係多不勝數，有議員容許示威者上樓沖涼兼借宿一宵，又當議員辦事處係迷你倉儲存物資，連載有燃油嘅發電機、熱水都要偷運，咁多籠裏雞，大樓想太平都難。
_________________________________________
范國威繞過立法會安保措施, 用自家證件拍卡, 讓示威者進入不對外開放的議員辦事處樓層, 直闖葛珮帆議員辦事處, 要求葛珮帆親自接信同出席論壇, 之後再上多兩層找已表明不出席論壇的張宇人,
如果此事發生在建制派議員身上, 用自家證件拍卡, 讓愛港力示威者進入不對外開放的議員辦事處樓層, 直闖范國威議員辦事處, 這又如何? 相信泛民議員能不鬧翻了天, 指屬白色恐怖, 這等示威者沒有經過保安檢查, 身上可能攜有攻擊性武器, 更指有政治黑手在後面操控, 威脅議員人身安全, 民主傳媒更以此大做, 作出譴責,
一件事兩面睇, 就可知現今的政治生態環境達致怎樣的地步, 泛民部份議員的行為達致無法無天的地步, 筆者擔心終有一日會 " 爆大鑊 " , 被一些精神有問題的激進黨團人士混入立法會, 傷害到議員, 重演入境處慘劇,
范國威繞過立法會安保措施, 用自家證件讓示威者進入立法會, 他敢保證其中就沒有潛在的精神異常人士嗎? 他又敢於保證這等人士身上沒有攜帶攻擊性武器嗎? 范國威能否控制這等示威者不會對目標議員作出不禮貌甚致侮辱性的行為? 甚或搗亂相關議員的辦事處? 令議員恐懼,
如果議員在立法會大樓內都感到人身安全受到威脅, 感到恐懼, 是否會對議員的投票取向產生影響, 范國威的行徑令人感到有如黑社會過年送年桔一樣, 雖然沒有恐嚇行為, 但令人恐懼, 要人家 " 識做 ", 黑社會送年桔都涉及違法, 那立法會議員又如何?
留言列表