普通人語 - 肥貓有話說

中環出更：長毛被斥霸公屋 愈辯愈黑
香港東方日報  2015年5月5日
http://orientaldaily.on.cc/cnt/news/20150505/00176_126.html

社民連立法會議員梁國雄（長毛）每月領取逾九萬元嘅人工，仍居住於公屋惹來質疑，日前網上流傳一段短片，片中嘅長毛正返回住所，有人鬧爆長毛「霸公屋」、「拎黑金」，長毛就以「收皮啦，師奶」回敬。短片於網上曝光後，一名自稱係社民連成員嘅人幫長毛解畫，但同時踢爆長毛每月將大部分薪金捐咗去抗爭基金，真係愈解畫愈幫倒忙嘞。

「黨友」護航幫倒忙

尋日一名自稱係社民連成員嘅人於社交網站上，主動回應長毛霸佔公屋嘅質疑，指房署會定期審查住客嘅財務情況，包括人工同資產，雖則長毛人工係過咗標準，但佢將大部分人工捐咗出去，所以資產並冇過標準，只需交返市值租金，住公屋亦合理合法，而非房署放生。

該名自稱社民連成員其後踢爆，長毛係將人工捐咗去一個抗爭基金，最常用喺支付社運人士被捕或被告嘅保釋金、律師費同罰款；另外部分新成立嘅社運團體，或者想選區議員又冇資金嘅人都會問基金拎錢。

長毛繼早前涉收取壹傳媒集團前主席黎智英秘密捐款要解畫，依家又涉用議員人工資助抗爭活動，真係一波未平一波又起，有排至可以解釋清楚。

卓妮
_______________________________________

長毛議員薪津近20萬, 單是議員人工已逾9萬, 仍居於公屋單位, 引來不少批評, 雖然有消息人士透露  , " 長毛每月將大部分薪金捐咗去抗爭基金, 支付社運人士被捕或被告嘅保釋金、律師費同罰款, 另外部分新成立嘅社運團體, 或者想選區議員又冇資金嘅人都會問基金拎錢, 所以資產並冇過標準 ",

問題是居住公屋的資格是衹計收入而不計支出, 你收入超標, 那管你入不敷支, 都不符居住公屋的資格,長毛議員人工逾9萬,  就算他盡捐薪津, 變成每月清袋, 一無所有, 他又是否可以申請綜援? 有關社福部門是否又會因他入不敷支而批准他的申請呢?

所以長毛這等 " 每月將大部分薪金捐咗去抗爭基金 " 根本不成理由, 這就有如有居於公屋人士雖然收入超標, 但將大部份收入用於吃喝玩樂, 卻指自己並無超標一樣,

何況這等所謂 " 抗爭基金 " , 運作是否受到適當監管成疑, 如果超標的公屋住戶, 都效法長毛般成立 XX基金, 將資產轉移, 但基金實質上仍由自己控制, 這基金的資產在法律上是否仍屬超標的公屋住戶所有, 有待司法澄清.