葉劉函港台 話主持無禮 投訴麥嘉緯 鄧忍光：尖銳係特色
明報 2013年12月4日
http://news.mingpao.com/20131204/gzb1.htm
【明報專訊】香港電台節目《星期六主場》上月訪問新民黨主席葉劉淑儀，主持麥嘉緯（Erik）與葉太火花四起，估唔到事隔無耐，葉太寫信畀港台投訴，話受到節目主持「不專業及不禮貌的對待」。風眼所在嘅Erik話，事前已知道投訴，無感到受壓，公道自在人心。廣播處長鄧忍光回覆話，睇過當日節目，明白葉太感受到接受批評，但喺有限時間下，製作團隊已盡最大努力，控制節目流程同節奏。
麥嘉緯：事前知投訴 不覺受壓
11月26日播出嘅訪問，出現唔少聲疊聲情況。葉太就批評，主持人不單止無畀足夠時間同機會佢詳盡回答問題，到葉太發表意見時，主持人多次以高聲浪掩蓋佢嘅回應，同時發問其他問題，令整個訪問中葉太無機會表達意見。
有人認為葉太干預編輯自主，葉太回應話，無線同亞視最近都畀唔少人投訴，唔通又係影響新聞自由？佢質疑主持態度不成熟，「你係訪問我嘛，叫我上嚟鬧我」，認為人人都有言論自由，唔可以唔畀佢講。
鄧回函：直率不代表無禮
鄧忍光書面回覆葉太時話，《港台約章》訂明，作為公共廣播機構，港台要提供開放平台，畀唔同人喺免於恐懼下自由發表意見。佢認為《星期六主場》嘅節目特色，就係透過尖銳同直截了當嘅問題去達至以上目的。
處長話，港台對主持人有好高標準，節目監製應畀足夠機會受訪者回應問題；而打斷人未必不可接受，只要係喺適當時間同唔好太頻密就得，希望葉太唔好將主持人嘅直率，當做無禮咁話。
Erik話處長無因為個投訴接觸佢，而公共事務部總監就有問番佢錄影時同錄影後嘅情況，但屬平常事。佢透露，當日錄影後同葉太有傾有講，葉太無表示不滿。
________________________________________
香港電台星期六主場節目主持人的偏頗不自今日始, 筆者以往亦曾在這裡作出批評, 不過就未嘗有嘉賓作出投訴, 今次葉劉淑儀敢於摸港台的老虎屁股, 投訴主持人麥嘉緯主持節目的手法, 認為是「不專業及不禮貌的對待」, 當真是 " 明知山有虎, 偏向虎山行 " , 日後不知是否會受到港台同寅多少特別關顧,
葉劉淑儀循正常途徑向港台投訴, 當然是由港台總編輯鄧忍光接火棒, 可惜鄧忍光是一個空心老官, 對下屬的節目製作 " 無權過問 ", 否則便被扣上 " 干預編輯自主 " 的大帽子, 這在過往有不少例子, 而這次公信報亦 " 報導 ", " 有人認為葉太干預編輯自主 ", 足可為證,
不過又奇怪, 民主報當日大肆攻擊無線頭條新聞並禍及節目主持人, 這時又不見公信報 " 報導 " , " " 有人認為民主報干預無線編輯自主 ", 這公信嘛........!
在事件中, 鄧忍光回覆葉劉淑儀, 指睇過當日節目, 明白葉太感受到接受批評, 但喺有限時間下, 製作團隊已盡最大努力, 控制節目流程同節奏, 指《港台約章》訂明, 作為公共廣播機構, 港台要提供開放平台, 畀唔同人喺免於恐懼下自由發表意見, 佢認為《星期六主場》嘅節目特色, 就係透過尖銳同直截了當嘅問題去達至以上目的。
這篇回應是否全部出自鄧忍光手筆成疑, 量鄧忍光亦寫不出這麼有內涵的 " 回應文章 ", 在回應葉劉淑儀之餘, 還曲線還擊, 指 " 《港台約章》訂明, 作為公共廣播機構, 港台要提供開放平台, 畀唔同人喺免於恐懼下自由發表意見 " , 這 " 免於恐懼 " 當真是可圈可點, 不過筆者又不明, " 透過尖銳同直截了當嘅問題去達至以上目的 ", 與 " 畀唔同人喺免於恐懼下自由發表意見 " 有何關連? 鄧忍光寫的出這樣的回應撰文嗎?
至於鄧忍光其後指 " 港台對主持人有好高標準, 節目監製應畀足夠機會受訪者回應問題, 而打斷人未必不可接受, 只要係喺適當時間同唔好太頻密就得, 希望葉太唔好將主持人嘅直率, 當做無禮 ", 就切合他廣播處長兼港台總編輯的身份, 這篇對葉劉淑儀的回覆, 呈現截然不同的立場, 相信是在鄧忍光與負責分管的高層及相關節目監製妥協下的 " 產品 ",
至於該集星期六主場, 節目主持人麥嘉緯是否有偏頗與過火的地方, 網友可在下面 youtube 視頻中重溫, 看看葉劉淑儀的投訴是否合理.
視頻回放 :
2013年11月16日 香港電台 星期六主場嘉賓 《行政及立法會議員葉劉淑儀》
網址 : http://youtu.be/7eHIrS-fuVk
留言列表