中環出更：廢鑊遺禍 平機會捱唔住搬竇
東方日報 2017年4月12日
http://orientaldaily.on.cc/cnt/news/20170412/00176_097.html
曾多次被揭浪費公帑、被轟係「大花筒」嘅平等機會委員會，喺「廢鑊」周一嶽擔任主席期間變本加厲，豪租太古城中心擴充辦公室，令平機會面臨入不敷支，由於預期將出現結構性赤字，為免繼續捱貴租，平機會決定「斬纜」將辦公室搬去黃竹坑，仲話咁做係「別無選擇」添！
豪租辦公室 幾耗盡儲備
廢鑊當年選擇喺黃金地段嘅太古城中心擴充辦公室，租金高昂，喺上年呎租已升到四十四點五元，今年市值已漲到四十八元，但其實政府提供嘅呎租補貼只係二十二元，所以平機會如果續租就會出現結構性赤字，並喺二○一八／一九年度耗盡所有儲備。
為免繼續燒錢，平機會決定「斬纜」，將辦公室搬到租金水平較低嘅黃竹坑，又承認因偏離核心商業區，會為市民造成不便，但強調咁做都係因為租金上漲且補助不足所致，平機會係「別無選擇」。搞成咁，都係廢鑊所為。
既然就嚟乾塘，搬辦公室都係想節流啫，唔通又向納稅人伸手要求增撥公帑資助埋單咩！勢估唔到，平機會竟然挖番轉頭，話期望政府幫手設置永久辦事處，咁就唔使受租金波動而搬嚟搬去喎。即係又大花筒喇，又想打政府主意，撥大筆公帑出嚟畀佢哋買辦事處喇，好狼胎喎，平機會真係死性不改。
卓妮
___________________________________________
這則新聞引起筆者關注的是, 究竟還有多少這樣的情況出現? 事件又是否冰山一角?
政府對平機會的租金補貼只22元, 但卻以本身儲備 " 補貼 " 租金, 遷入太古城呎租44.5元的一級商廈, 令致平機會可能在下年度會耗盡所有儲備, 因此被迫遷離現址, 找尋租金水平較低的處所,
問題是當初究竟是誰拍板租用太古城呎租44.5元的一級商廈, 而不理超出政府租金補貼上限, 要平機會在儲備中撥款補貼租金, 令致平機會下年度會耗盡所有儲備,
平機會不是賺錢的非政府組織, 何況辦事處處理市民的投訴個案不會太多, 辦公室根本毋須選址在太古城一級商廈, 這是浪費納稅人的金錢,
近年這等濫用公帑的事件屢有所聞, 最經典的莫如民航處新大樓的豪裝醜聞, 但卻無人受到追究甚或處分, 令市民氣憤, 希望林鄭月娥上台後能糾正這等歪風, 嚴控公帑用得其所,
如平機會這等由公帑資助運作的非政府組織, 亦應加強監管所撥公帑的應用, 以免再有發生濫用資源事宜.
留言列表