近日多次的反修例遊行集會完結後, 都發生部份集會人士不願離去, 幹出破壞社會秩序的違法行為, 如衝擊破壞立法會大樓, 包圍塗污警察總部大樓外牆, 破壞保安設施, 以及堵塞旺角鬧市道路等等, 還有更嚴重的是在衝擊警察防線之餘, 向警察投擲腐蝕性液體及施放可致命的化學粉末, 虧事後還有學生組織及政治黨團人士支持這等暴徒, 要求政府停止搜捕涉案人士, 釋放被捕者以及永不起訴涉案人士, 甚至有榮休主教認為不應懲罰年青人, 而特首亦表明政府會與年青人多加溝通,
社會的焦點一下子就聚焦在年青人身上, 好像年青人就是全世界, 年青人就代表了香港人, 年青人做錯事要多加包容, 不能懲罰似的,
但特區社會是否衹有年青人的存在? 年青人其實衹佔特區人口的一部份, 並不能代表大部份市民的意願, 就近日多次反修例遊行集會後,引發的破壞社會秩序事件, 社會輿論(除了黃媒及反對派黨團議員外)一面倒的作出譴責, 顯示不獲大部份市民的認同, 畢竟這是違法行為, 無論遊行人士的訴求如何正義合理, 都不能以破壞社會秩序作為表達方式, 如果認為這樣做會獲得市民的認同與支持, 又是否太天真了點呢?
近日有前高官與政治黨團人士, 甚至有持加拿大護照的香港女歌手到外國去訴說反修例遊行集會示威人士被警察暴力取締, 特區市民的自由被剝奪, 《維也納公約》確保民主及人權的保障在香港正受到嚴重攻擊,
但女歌手沒有說的是, 立法會大樓被示威人士嚴重破壞, 警察總部被包圍, 外牆設施被塗污及破壞, 鬧市道路被堵塞, 更嚴重的是向警察投擲腐蝕性液體及施放可致命的化學粉末, 因為如果說出遊行集會人士這等違法行為, 如果放到外國去, 警察取締行動使用的武力程度, 比諸特區警察不知高多少倍, 特區遊行集會示威人士實難以獲得外國政府及市民的同情而加以支持,
而記協亦乘時推出 " 2019年言論自由年報 ", 指 " 過去一年可說是回歸後最差的年份之一 ", 與女歌手的行動相互呼應, 但記協的言論自由年報年復一年的指特區 " 言論自由 不斷倒退 ", 如果屬實的話, 肥佬黎就不可能大搖大擺的飛到美國與政府高官談特區的逃犯條例了,
說到言論自由及集會自由, 那些在示威中揮舞港英旗幟及英國旗的人, 筆者質疑他們是否曾經歷過港英壓制言論及集會自由的黑暗時代, 那個時代有學生在維園舉行保釣和平集會, 應該不會影響到港英的治權, 都被警方強力取締, 把學生打的頭破血流, 那會像現時被多次暴力衝擊才採取行動驅散示威者,
有示威人士到天星碼頭抗議加價立時被捕, 在往後的歲月被港英政治部緊釘不放, 對他工作場所的僱主作出干擾威嚇, 令致這位人士無法生活, 陷於絕境,
而當政治部認為你對港英政府的管治具威脅性的話, 可以毋需經法庭審訊便遞解出境到澳門去, 那有現時特區市民可擁有居留香港的法定權力,
筆者在網上找到一篇上一代人回應下一代的撰文, 甚具可讀性, 年輕人實應仔細讀一讀, 了解上一代人如何從無到有, 努力打拚打有今天的成就, 他們在港英管治下得不到政府的幫助, 衹有靠自己努力才能過上好日子, 相對比今天的年青人每事都倚賴政府, 由幼稚園到小學, 中學甚至大學都獲得政府資助, 就以為這是必然應得的,
在港英時代, 初期衹有港一間大學, 中文大學遲至1963年才成立, 兩間大學的學生都沒有如現時的政府資助, 家境困難的學生衹有靠外間的獎學金或半工讀完成學業, 而兩間大學畢業的學生大都被政府吸納為公務員, 以培養作為管治港人的第二梯隊 ( 在有回歸問題前, 永遠不會有非英國人任部門首長 ), 兩所大學的畢業生便形成政府架構內一個獨特的群體, 互相 " 照應 ", 成為 " 另一階層 "人士, 當時的公務員十分珍惜這份薪高糧準福利好的工作 ( 人工福利當然比不上由英國來, 同級的英國人, 但已比外間商業機構同類工作好 ),
年青人實應好好讀一下延伸閱讀的撰文, 比對一下港英時代與現時特區時代, 他們失去些什麼? 又得到些什麼? 港人的人權自由是在倒退? 還是比港英時代更好? 基本法令港人的人權自由獲得更好的保障?
________________________________________
延伸閱讀 :
瘋傳網文：回應下一代
hkgpao 2019年7月9日
https://www.hkgpao.com/articles/1003731
我哋嗰時，冇人敢阻港英收地，只要佢哋想收，一隊人，一把火，就收邊都得，冇人借環保阻頭阻勢，更冇人可以不遷不拆。人，都趕去徙置區，臨屋區，等上樓，都隨時四五年。有地，有香港人嘅錢，港英起幾多屋都得，重可以收地賣，唔好忘記高地價政策係港英留低嘅德政之一。
而家你哋成日講環保，唔准填海，唔准郁郊野公園，但又要有樓住，畀你哋做特首，你哋都想跳樓。
我哋嗰時，冇免費教育，一年免費都冇。當時得兩間大學，讀大學係奢望，成績好但冇錢都唔使諗。而家九年免費畀你哋讀書，重有成十間大學，阿豬阿狗都讀到大學，又有上一代捱埋畀你哋嘅資助，借埋錢都得。但你哋學咗乜嘢？大學係教你哋乜嘢？冇獨立思考、是非不分、人云亦云，不知所謂，粗口通大學貼，通街講，未能上流先已下流。
不學無術，志大才疏，我公司請CEO呀！你哋做唔做到？唔甘心從低做起，想一步登天。都係靠勤力，靠讀夜學、自修求上進。然後，雖然讀飽書，但因為學歷畀港英歧視，同工不同酬，捱十幾年，靠邊做邊學，累積經濟，培養能力，機會嚟嘞，至可以把握。記住，機會只留畀有準備嘅人，你哋有冇準備？與其才疏但志大，不如慳番埋怨嘅時間去進修，學上一代咁拼搏，學上一代咁一身兼數職去累積財富，好過嘥時間去搵借口話因為求理想、為香港人拚自由而去攪破壞，掩飾自己嘅無能，於事無補。
我哋嗰時，冇最低工資，冇綜緩，要改善生活，想買樓，唔會怨政府，因為知道港英唔會幫你，唯有靠自己雙手，做兼職，穿膠花，節衣縮食。唔好講去日本，假期都加埋班喇。去日本？同上月球一樣係夢想。
我哋嘅年代好包容，知道大家都係避難香港，唔似而家你哋咁大言不慚話自己係本土。知唔知香港畀英國佬搶走之時，1841年，人口只有7500人？你哋嘅祖先唔係呢7500人就唔好厚住面皮話自己係本土。自己都係移民，不過早咗上岸，唔應該歧視、敵視、排擠遲來者，咁只係話畀人知你哋係幾咁自私。同而家住喺填海區嘅人反對填海一樣咁面目可憎。
我哋嗰時邊有咁多公園呀！公園梗係公園啦！維園囉！植物公園囉！邊會區區都有大大個公園咁好㗎! 梗係冇大媽嘈啦！人人搵朝唔得晚，去公園都要等放工至去。嘈，周圍都嘈，廟街，大笪地，又唔係嘈到三更半夜？屋邨戶戶開大收音機，打麻雀，嘈唔嘈？我哋年代啲人就識得包容，唔會好似而家啲人咁，自己嘈就得，人哋嘈就投訴。
彭定康係事頭婆派過嚟玩香港嘅，當然冇人敢得罪啦！而且當時啲政客有品德得多，最惡嗰個李永達，鬧老彭都係一路拉隊離場一路嗌：shame on you。唔似而家啲政客咁又掟杯又掟蕉。我哋啲百姓更加冇聲出，鬧鬼佬要用鬼文，唔似而家你哋用本地話鬧特首咁爽，噏得出就得。我哋想問候彭老太咁，唔會好意思叫啲隨從繙譯畀老彭聽。
而家你哋啲民主自由都係得個講字，人家特首高官一落區就畀你哋圍，一開聲就畀你哋嘈到想講嘢都冇自由。落區又鬧，唔落又話唔落，人哋真係冇晒自由民主就真！
我哋嘅年代，人人梗知道要發展啦，唔似而家你哋咁懵，政府建設乜都話鬧係大白象，淨係一味拖後腳，搞到香港落後、再落後、更落後於鄰近地區。人哋新加坡、深圳唔講政治，埋頭經濟，香港就埋頭玩政治，寧願搞死經濟，都話要爭取民主，但有冇諗吓民主最終都係想人人生活富足安定，而家你哋搞到香港立立亂，就係為咗一張選票不惜令到自己屋企沉淪？
我哋嘅年代，的確冇官二代富二代，但有特權階級，即係英國鬼同高級華人。英國求其一個牛佬嚟香港都係我哋嘅老細，識唔識做嘢唔緊要，係鬼就得。我哋唔使人哋同你講話成功需苦幹，我哋自己就有上進心，都知道只有苦幹至有出路。但係就算出頭嘞，都只會畀鬼佬騎住，佢哋永遠係你老細，但我哋都唔會怨，因為知道怨都冇用。
我哋嘅年代，點會有民意？所謂民意直達政府都係你哋嘅幻覺，你哋誤信讒言。有就唔會有天星小輪加價暴動、的士暴動，唔會有巴士、電費年年加，不理民間疾苦啦！睇睇香港81、82……啦！舊劇集最能真實反映當時社會面貌，唔使聽人亂講。
當年何來泛民建制？所有議員都係欽點嘅，平民冇權投票。港英唔滿意，撤回欽點，唔使DQ咁煩，手起刀落，乾淨利落，鴉雀無聲。警察有投訴科，但打人都唔使拉入暗角，隨時隨街打就得，投訴囉！
以前議會冇爭執，因為啲議員唔係官守就係欽點。而家民選嘅議員就角色掉轉晒，泛民打住民主招牌，講咗政府就要聽，唔聽就係唔聽民意，就當香港真係只有一種聲音，佢哋呢種聲音就係金科玉律，永遠唔會錯嘅。咁係獨裁定係民主？係唔係一言堂？政府唔就範就用暴力，重無恥到賴政府迫學生暴力。
議會真係失效，惡就得，惡就話乜係真理就係真理，使乜辯論？使乜選舉？
我哋年代，對付暴動好簡單，警察以暴鎮暴。唔會有人盲撐暴徒手無寸鐵，唔會話警察手起棍落、打到暴徒當場爆頭係唔合理嘅暴力。唔會同情暴徒要港英特赦。港英梗有時間主動補鑊啦！而家呢？暴力一個緊接一個，完全冇畀機會政府檢討改革。我哋嗰時冇人可以叫港督落台。叫就暴力鎮壓，六七咪係叫港英滾蛋囉！而家你哋可以隨時叫人落台，隨時霸街阻路，隨時用磚掟警察，重惡到唔准警察還手，重想襲警都唔使畀人追究。而定民主真你惡。
我哋年代派傳單都拉（曾德成係人辦），點解而家霸街、嚴重破壞社會秩序就唔應該拉、唔應該告？
我哋嘅年代，人人都愛惜生命，但生活迫人，跳樓燒炭都唔係新聞，港英咁重視生命都無計可施，求其整個防止自殺會就當重視生命囉！死有輕於鴻毛，為咗一個立足於錯誤理解的立場而自尋短見，就係重於泰山？
總括而言就係，我哋嘅年代，不求政府救，胼手胝足，將香港建設成為大都會。
而家，香港大部分年輕人都係溫室栽培的嬌花嫩草，以為香港今日係佢哋嘅努力成果，大言不慚妄言要奪回以前美好的香港，（連一句口號都狗屁不通，既然係以前美好嘅香港，以前嘅香港係我哋呢代人拚搏番嚟嘅。奪，就係搶奪我哋嘅血汗。以前美好的香港唔係你哋有份建設嘅，你哋有乜資格奪回？唔再破壞我哋呢代人努力嘅成果已經要千多萬謝！拜託！）。不如借我哋嘅膊頭企高啲，望遠啲，承繼我哋嘅拚搏精神，唔好再事事政治化，將香港重轉番去前進軌道，追番因內耗而損失嘅時間重實際。
我哋都曾經激進、憤怒，對港英抑壓下作為二等人極端不滿，但我哋識得將激憤化為動力，自求進步，所以對你哋而家以破壞香港——我哋呢代人辛苦經營嘅家，表達激憤，絕對有資格譴責。你哋所謂嘅激進只係盲目破壞，破壞過後嘅香港只會沉淪，對香港將來毫無益處，不但破壞我哋呢代人建設嘅香港，亦係破壞你哋嘅將來，更破壞你哋下一代的將來。
醒吓啦！
親身經歷過你哋上一代嘅上一代人白
原圖：香港警察Facebook、幫港出聲
https://www.facebook.com/HongKongPoliceForce/photos/a.2458465437574739/2458485854239364/?type=3&theater
https://www.facebook.com/silentmajorityhk/photos/a.500993386656439/912248352197605/?type=3&theater
留言列表