政情：港台亂熄咪 論壇爆衝突
香港東方日報 2016年1月4日
http://orientaldaily.on.cc/cnt/news/20160104/00176_133.html
港台節目《城市論壇》尋日討論立法會新界東補選及換屆選舉等議題，但多名講者都講到離晒題，包括李國章出任港大校委會主席爭議、銅鑼灣書店接連有股東及員工失蹤事件等。期間保衛香港運動召集人傅振中喺發言中途被「熄咪」，炮轟港台同論壇主持蘇敬恆唔公道，扼殺佢嘅言論自由。
主持一度受衝擊
事緣論壇嘉賓講者民主黨主席劉慧卿，首先提及失蹤事件。傅振中其後喺台下發言，批評卿姐離題，又以本港社運人士楊匡年前喺內地被捕做例子，質疑「你哋啲泛民自己做犯法嘢」才「出事」。蘇敬恆隨即指楊匡被捕與今次失蹤事件冇關係，其後更強行將傅「熄咪 」。
到節目小休時段，傅衝上台前與蘇理論，多名工作人員一擁而上將雙方分隔，情況一度混亂。但傅喺節目恢復直播前，已自行返回台下，未有影響節目進行。
蘇敬恆事後解釋，覺得傅振中嘅比喻唔恰當，但其後佢又改口稱，係因為傅發言超時先「熄咪」，否認因政治立場而唔畀佢講嘢。
__________________________________________
長江後浪推前浪, 一代新人勝舊人, 蘇敬恆接替謝志峰任港台節目城市論壇節目主持人, 在昨日的城市論壇就開闢了城市論壇有史以來對台下發言市民 " 熄咪噤聲 " 先河,
事緣保衛香港運動召集人傅振中喺發言於台下發言時, 批評台上嘉賓包括劉慧卿在內, 借節目拉扯到李國章出任港大校委會主席爭議, 以及銅鑼灣書店接連有股東及員工失蹤事件等, 傅振中又舉 " 前 " 社運人士楊匡前此亦曾內地被捕為例(楊匡現時已偕妻子移民"自由國度"飲洋水去了), 質疑 " 泛民自己做犯法嘢才出事 ", 卻被蘇敬恆指楊匡被捕與今次失蹤事件冇關係, 其後更強行將傅 " 熄咪 " ,
原來台上嘉賓發言是有特權可以離題萬丈, 借城市論壇節目時間 " 抒發 " 個人理念, 台下發言市民就沒有這個權利, 難怪受邀上城市論壇的泛民黨團人士及一眾社運人士, 十居其九都利用節目時間 " 借題發揮 ",
公眾論壇嘛, 你不給人講, 要加以篩選, 如何能說的上是公眾i論壇呢? 在謝志峰時代卻罕見對台下發言市民強行 " 熄咪 " 的情況出現, 唯一 " 熄咪 " 情況是台下發言市民佔用時間過久, 謝志峰便技巧地將發言時間轉給下一位市民, 而不是粗暴的不作解釋便 " 熄咪噤聲 " , 阻止市民繼續發言,
蘇敬恆事後解釋指 " 覺得傅振中嘅比喻唔恰當 ", 但當日出席嘉賓包括民主黨主席劉慧卿在內, 借節目拉扯到李國章出任港大校委會主席爭議, 以及銅鑼灣書店接連有股東及員工失蹤事件等, 又是否恰當, 沒有離題呢?
蘇敬恆其後又改口指 "因傅振中發言超時才 " 熄咪 ", 顯然是欲蓋彌彰, 強行以發言超時入罪於傅振中, 以顯示自己 " 熄咪噤聲 " 的正當性, 蘇敬恆逋當上城市論壇節目主持人便出狀況, 城市論壇節目主持人一蟹不如一蟹, 令人感到遺憾.
留言列表